|
Share this
Twitter
Digg
Del.icio.us
Slashdot
Furl
Yahoo
Technorati
Newsvine
Googlize this
Blinklist
Facebook
Wikio
Hear this text
Export PDF
Print
E-mail
വൈദ്യുതി ഉല്പ്പാദനം വര്ധിപ്പിക്കാന് ഒമ്പത് പുതിയ ജലവൈദ്യുതപദ്ധതി ആരംഭിക്കുമെന്ന് ധനമന്ത്രി തോമസ് ഐസക് ബജറ്റ് പ്രസംഗത്തില് പറഞ്ഞു. അതിരപ്പിള്ളിപദ്ധതിയാണ് ഇതില് ഏറ്റവും വലുത്. പദ്ധതികള്ക്കാകെ എട്ടു കോടി രൂപ വകയിരുത്തി. രാമക്കല്മേടില് വൈദ്യുതി ഉത്പാദിപ്പിക്കാന് കാറ്റാടികള് സ്ഥാപിക്കുന്നതിന് 10 കോടിയും ഒറീസയിലെ ബൈതരണിയിലുള്ള കല് ക്കരി താപനിലയത്തിന് ഓഹരി വിഹിതമായി 20 കോടി രൂപയും വകയിരുത്തി. അടുത്ത സാമ്പത്തികവര്ഷത്തില് 103.75 മെഗാവാട്ട് പ്രഖ്യാപിതശേഷിയും 17.25 കോടി യൂണിറ്റ് വൈദ്യതിയും അധികം ഉല്പ്പാദിപ്പിക്കും.
ആനക്കാംപൊയില് , അച്ചന്കോവില് , ചിന്നാര് , പീച്ചി, പത്താംകയം, കണ്ടപാഞ്ചല് , കാരാപ്പുഴ എന്നിവയാണ് പുതിയ ചെറുകിട ജലവൈദ്യുതപദ്ധതികള് .
2009-10 ഊര്ജ്ജ മിതവ്യയ വര്ഷമായി ആചരിക്കുന്നതിന്റെ ഭാഗമായി മുഴുവന് ബള്ബുകള്ക്കും പകരം സി.എഫ്.എല്ലുകള് സ്ഥാപിക്കും. ഇതിനായി ഉപഭോക്താക്കള്ക്ക് സബ്സിഡി നല്കാന് 20 കോടി രൂപ ബജറ്റില് വകയിരുത്തി.
കേന്ദ്ര സര്ക്കാര് പ്രഖ്യാപിച്ച ബജത് ലാംപ് യോജനയ്ത്ത പരിപാടിക്ക് സമാനമായി 15 രൂപ ഗുണഭോക്തൃ വിഹിതം വൈദ്യുതി ബില്ലിന്റെ ഭാഗമായി ഈടാക്കിയായിരിക്കും സി.എഫ്.എല് . നല്കുക. സമ്പൂര്ണ്ണ സി.എഫ്.എല് . പരിപാടി നടപ്പാക്കുന്ന ആദ്യ സംസ്ഥാനമായി കേരളത്തെ മാറ്റുകയാണ് ലക്ഷ്യം.
ഇടുക്കി പദ്ധതിയുടെ പ്രഖ്യാപിതശേഷിയായ 780 മെഗാവാട്ട് പീക്ക് ലോഡിനു സമാനമായ വൈദ്യുതി ഇതുവഴി ലാഭിക്കാനാകുമെന്നും മന്ത്രി പറഞ്ഞു. പാരമ്പര്യേതര ഊര്ജമേഖലയുടെ സാധ്യത മുതലെടുക്കാന് ജൈവദ്രവ്യ ഗ്യാസ് ഫയറുകള് ജില്ലാപഞ്ചായത്തുകള് വഴി നടപ്പാക്കാന് 10.9 കോടി വകയിരുത്തി.
പ്രസരണ നവീകരണത്തിന് 314.88 കോടിയും വിതരണ ശൃംഖല ശക്തിപ്പെടുത്താന് 333 കോടിയും വിനിയോഗിക്കും. ഗ്രാമീണ വൈദ്യുതീകരണത്തിന് 30 കോടി വകയിരുത്തിയപ്പോള് അഞ്ചു ലക്ഷം സര്വ്വീസ് കണക്ഷനുകള് പുതിയതായി നല്കുമെന്നും പ്രഖ്യാപിച്ചിട്ടുണ്ട്.
